Situata e krijuar nga ndryshimi i paketes fiskale si dhe paqartesite e ligjit mbi menyren e aplikimit apo te zbatimit ne praktike dhe ne vecanti mungesa e transparences si dhe konsultimeve publike apo me grupet e interesit ka bere qe te shqetesohen te gjithe operatoret qe ne fokus te tyre kane bujqesine. Nuk mbeten jashte vemendjes edhe partite politike. Partia Agrare Ambientaliste e ka kapur kete situate dhe ka ftuar te gjithe te interesuarit dhe ata qe preken rende nga ky ligj, agroperpunuesit ne pergjithesi dhe fabrikat e perpunimit te qumeshtit ne vecanti qe ti bashkohen nismes se saj per te diskutuar mbi qendrimin qe do te mbahet ndaj ndryshimeve qe i jane bere paketes se re fiskale!
Te dashur miq,
Ndryshimet në Paketën Fiskale të vitit 2019, të cilat ulin kompensimin e TVSH-së nga 20 në 6% kanë sjellë shqetësime në sektorin e agropërpunimit, agroindustrisë dhe agroturizmit, pasi TVSH e pagueshme tashmë rezulton rreth 3 herë më e lartë.
Për të diskutuar mbi rreziqet që cenojnë sektorët e agroturizmit, agropërpunimit dhe agroindustrisë si dhe alternativat e mundshme, PAA do të organizojë një tryezë të rrumbullakët me grupet e interest të prekura nga kjo masë.
Takimi do të zhvillohet të premten, 25/01, ora 11:00, në Lushnje.
Ju mirëpresim!
Partia Agrare Ambientaliste
Dega Lushnje