Projekti radikal do të mbulojë 130,000 metra katrorë, por do të ketë një prodhim të barabartë me 900 hektarë tokë bujqësore. Do të mbledhë 2,700 kg zarzavate çdo ditë, me cilësi të lartë, pa herbicide dhe pa pesticide, duke përdorur 99% ujë më pak se fushat e jashtme. Produktet e para do të përdoren për të ushqyer Emirates Flight Catering, duke përfshirë 105 kompani ajrore dhe 25 salla pritje aeroportuale, në dhjetor 2019. Projekti prej 40 milion dollarë është një ndërmarrje e përbashkët me një kompani Crop One Holdings me bazë në SHBA, operatori kryesor i fermave vertikale në botë dhe Emirates Flight Catering. Ajo do të ndërtohet pranë aeroportit ndërkombëtar të Al Maktoum në Dubai World Central për të zvogëluar distancat e transportit dhe për të lejuar që ushqimi të “arrijë konsumatorët brenda disa orësh nga korrja” thonë firmat.
Sheiku Ahmed bin Saeed Al Maktoum, Kryetar dhe Shefi Ekzekutiv i Airline dhe Grupit të Emirateve, u shpreh se ky investim për të ndërtuar dhe operuar objektin më të madh të fermës vertikale në botë, përputhet me nismën e Emirateve të Bashkuara Arabe për më shumë vetë mjaftueshmëri bujqësore, një vizion i cili filloi me të ndjerin Shejh Zayed bin Sultan Al Nahyan, babai themelues i Emirateve të Bashkuara Arabe. “Futja e teknologjisë së re në terren rrit gjithashtu pozitën e Dubait si një qendër globale të inovacionit.” “Si një nga operacionet më të mëdha të hotelerisë ajrore në botë, Emirates Flight Catering vazhdimisht shikon risi dhe mënyra për të përmirësuar produktivitetin, produktin dhe cilësinë e shërbimit”, tha Saeed Mohammed, Drejtor Ekzekutiv i Emirates Flight Catering.
Modeli ynë i provuar i biznesit ka demonstruar prodhimtari fitimprurëse komerciale më shumë se çdo fermë tjetër emadhe vertikale”, tha Sonia Lo, Drejtoreshë Ekzekutive e Crop One Holdings.”Ne jemi fermerë që përdorin shkencën më të sofistikuar të bimëve dhe efikasitetin e biznesit të provuar për të ofruar produkte të konsumit në treg çdo ditë. “Zgjedhja jonë pas një kërkimi 10 mujor nga EKFC është një validim i modelit tonë të suksesshëm të biznesit që përdor teknologji të patentuar dhe procese për të optimizuar prodhimin e kulture dhe për të lehtësuar hiper rritjen.