Klima: Dhjetëditori i dytë i muajit Maj u karakterizua nga reshje shiu zonale dhe me vranësira. Këto kushte ishin shumë të mira për zhvillimin e bimëve, por nga ana tjeter edhe per zhvillimin e shpejtë të sëmundjeve dhe insekteve dëmtues.
Lagështira tokesore dhe ajrore është e madhe dhe temperaturat gjatë ditës janë të përshtatëshme për infeksione të reja dhe për zhvillimin e sëmundjeve që mund të kenë infektuar bimët ditë më parë. Fermerët i kryen trjatimet , por situata ende është delikate nëse nuk vazhdojnë trajtimet në kohë dhe me cilësi.
NE VRESHTA
Vazhdojnë trajtimet me fungicide për mbrojtjen ngaHIRI dhe nga VRUGU. Nuk duhet të shmangen trajtimet javore me fungicide me bazë Squfuri për mbrojtjen nga hiri dhe me produkte me bazë Bakri për mbrojtjen nga vrugu.
Cilësia e spërkatjeve mer rëndësi të madhe, sepse hardhia do jetë në lulëzim të plotë, fazë që është shumë e ndieshme nga sëmundjet e vrugut dhe të hirit. Spërkatja duhet të jetë e imët, dhe në të dy anët e gjetheve të hardhisë. Mund të bëni korigjime ne distancat e varjes së fijeve të kuqe të feromonit të cilat mbrojnë hardhinë nga tenja, sepse për këtë ka kohë për korigjin edhe nëse bëhet brenda këtij dhjetëditori. Duhen kontrolluar rreshtat për të parë fijet e kuqe të feromonit ISONAT L.
Largimi i lastarëve të tepërt nga trupi i hardhisë ndihmon në disa drejtime; Ushqen me mirë lastarët prodhues, ul lagështirën ajrore, hyn më mirë drita e cila than vesën, si dhe tretësira spërkatjes depërton më mirë në pjesët e gjelbërta të hardhisë.
MOLLE DHE DARDHE
Sëmundja kryesore do të mbetet kroma e mollës. Vazhdojnë trajtimet javore me preparate me bazë bakri dhe squfuri. Në kultivarët që nuk preken nga hiri përdoret vetëm preparate me bazë bakri.
NE PERIME
Vazhdojnë trajtimet në domate, katravec për mbrojtjen nga vrugjet dhe hiret me produkte me bazë bakri dhe me bazë squfuri.
Deri tani infeksionet ndaj insekteve nuk kanë qenë problem.
Krasitjet e gjelbërta dhe ajrimi serrave janë masa që kufizojnë sëmundjet kryesore.
