Shoqata organike Naturland ka miratuar Direktivën e parë te BE-së për bujqësinë organike për insektet. Insektet duhet të përpunohen në ushqim për peshq organik.
Insektet nuk janë vetëm të pasura me vlera ushqimore, por gjithashtu mund të prodhohen për nje mjedis me te qëndrueshem.
Prandaj, Organizata e Ushqimit dhe Bujqësisë (FAO) vlerëson se insektet do të rriten me rëndësi si ushqim për popullsinë në rritje botërore – si ushqim i drejtpërdrejtë për njerëzit dhe si ushqim i kafshëve. Naturland po synon këtë të fundit.
Si ushqim per kafshët, mund të jetë një zëvendësues i qëndrueshëm dhe i përshtatshëm për speciet si peshku qe rritet ne rezervate. Përveç kësaj, proteinat e insekteve do të ishin të përshtatshme si ushqim për pulat dhe derrat. Sipas Naturland, ka përpjekje në nivel të BE-së për të rregulluar ushqimin organik për akuakulturën me insektet brenda kuadrit të Rregullores Organike të BE-së.
Tharje e ngadaltë nuk lejohet
Rregullorja e re Naturland përcakton kushtet e mbarështimit te insekteve për shtatë lloje të krimbave, mizave dhe karkalecave. Të përfshira janë ndalimet e gjymtimeve si prerja e krahut ose heqja e kembeve. Kafshët duhet të ushqehen kryesisht me nënproduktet organike të bimëve dhe mbetjet nga përpunimi.
Mirëqenia e kafshëve do të sigurohet nëpërmjet masave parandaluese siç janë dendësia e përshtatshme e stoqeve të specieve dhe kushtet optimale higjienike. Naturland gjithashtu rregullon vrasjen e kafshëve; ajo duhet të kryhet sa më e butë dhe sa më shpejt të jetë e mundur – me anë të një goditje të temperaturës në fermën e mbarështimit. Metodat e vrasjeve si tharja e ngadaltë e insekteve në diell nuk do të lejohen, thekson Naturland.
Presidenti Naturland Hubert Heigl përgëzoi shoqatën e tij duke thënë se rregulloret e miratuara rishtazi janë një hap i parë në rrugën për të krijuar insektet si një burim i ri i qëndrueshëm i proteinave në bujqësinë organike.