Vaji esencial i livandos nxirret nga distilimi me avuj i luleve të livandos. Lulet e livandos janë përdorur që në lashtësi si erëza për shkak të aromës së tyre. Vaji esencial i saj përdoret: për të bërë parfume, në kremra, xhele, infuzione, locione dhe sapunë. Vaji i livandos ka aftësi për të qetësuar sistemin nervor, çlirimin e dhimbjes, dezinfektimin e skalpit dhe lëkurës, rritjen e qarkullimit të gjakut dhe trajtimin e problemeve respiratore.
Vaji i livandos ka përdorim të shumta, duke nisur nga ato kozmetike deri tek përdorimet medicinale.
Largimin e insekteve. Nëse pickoheni nga mushkonjat aplikimi i një pike vaj livando në vendin e pickimit do të reduktojë irritimin dhe gjendjen e të kruajturit të lëkurës.
Gjumi. Vaj esencial i livandos nxit gjumin dhe në mjeksinë alternative përdoret për trajtimin e pagjumësisë.
Sistemin nervor. Vaji esencial i livandos ka një aromë që të fal qetësi duke e bërë livandon një tonik të shkëlqyer për nervat dhe problemet e ankthit. Gjithashtu livandoja ndihmon në trajtimin e migrenës, dhimbjes së kokës, depresionit, tensionit nervor dhe stresit emocional.
Fytyrë. Vaji esencial i livandos ka veti anti-bakteriale, anti-mykotike, anti-inflamatore dhe rrit qarkullimin e gjakut në fytyrë. Këto veti të saj e bëjnë vajin e livandos të jetë efikas në trajtimin e akneve, infeksioneve, ekzemave, psoriazës, shenjave të ngelura nga aknet.
Veshka. Vaji esencial i livandos është i mirë gjithashtu për trajtimin e çrregullimeve urinare për shak të efekteve që ka për stimulimin e prodhimit të urinës. Për më shumë ai ndihmon në balancimin hormonal dhe në reduktimin e cisteve ose inflamimin e fshikëzës urinare. Gjithashtu redukton dhimbjet e shkaktuara nga këto ose probleme të tjera.
Flokët. Vaji esencial i livandos ka veprim mbi largimin e morrave. Gjithashtu vaji esencial i livandos përdoret për trajtimin e rënies së flokëve.
Qarkullimi i gjakut. Vaji esencial i Livandos ka veprim të mirë në përmirësimin e qarkullimit të gjakut. Ai ul tensionin e gjakut.