Kjo bimë nuk mund të kultivohet në një vend për një periudhë më të gjatë kohore dhe prandaj bëhen pauza 4-5 vjeçare. Gjatë kësaj, duhet të kihet parasysh kultura e mëparshme pas vete të lërë një toke të pastër dhe të shkrifët.
Mëllaga e bardhë është bimë e cila rritet në rajone me klimë kontinentale dhe të ndryshueshme kontinentale. Sidomos rritet me sukses në rajone me klimë të butë dhe lagështi mesatare, por nuk është e ndjeshme edhe ndaj temperaturave të ulëta të dimrit.
Pa u dëmtuar, mëllaga e bardhë mund të durojë temperaturë edhe deri në +300C. Kjo bimë nuk jep prodhim të mirë në rajone me lartësi të madhe mbi nivelin e detit.
Baza e suksesit gjatë kultivimit të mëllagës së bardhë është përzgjedhja e mirë e tokës. Prodhimin më të madh e jep në toka të freskëta aluviale, lumishte, të zeza dhe në të gjitha llojet e tokave me strukturë fizike të përshtatshme. Mëllaga e bardhë nuk duhet të kultivohet në tokë ngjitëse që nuk e lëshon ujin dhe llojet e tjera të tokave të rënda.
Në toka të begatshme dhe pjellore jep të ardhura rekord, megjithatë më shpesh këto toka përdoren për kultivim të kulturave të kopshtarisë. Për kultivimin e mëllagës së bardhë zgjidhen parcela të cilat
përmbyten periodikisht sepse mund të qëndrojë 20-30 ditë nën ujë pa u dëmtuar. Me t’u tërhequr uji, kjo bimë vazhdon të zhvillohet normalisht.
Kultivimi
Në një vend mëllaga e bardhë mbetet një deri në dy vjet. Ajo nuk duron të kultivohet në të njëjtin vend për një periudhë më të gjatë kohore.
Mënyra e tillë e kultivimit mund të çojë në shfaqjen e shumë sëmundjeve dhe dëmtuesve të bimëve.
Renditja e mëllagës së bardhë duhet të jetë e tillë që në të njëjtën tokë kultura të kthehet pas 4-5 vjetësh.
Gjatë kësaj duhet pasur parasysh kultura e mëparshme të lërë një tokë të pastër dhe të shkrifët.
Përpunimit të tokës për mëllagën e bardhë duhet t’i kushtohet vëmendje e veçantë. Duke marrë parasysh rrënjën e saj të degëzuar, qëllimi thelbësor i përpunimit të tokës është të krijojë një shtresë të thellë të lërimit e cila do të mundësojë zhvillimin e saj pa pengesë. Gjatë përpunimit të tokës shkatërrohen edhe barërat e këqija, murrizat.
Toka për mëllagën e bardhë duhet të punohet në vjeshtën e hershme. Thellësia varet nga lloji i tokes, por megjithatë nuk duhet të jetë më e vogël se 30-40 cm. Nëse mëllaga e bardhë mbillet në vjeshtë, toka kultivohet, kurse nëse bima mbillet në pranverë, parcela e punuar lihet të dimërojë me brazda të hapura, kurse në pranverën e hershme përpunohet.
Ekzistojnë disa mënyra për shumimin e mëllagës së bardhë.
Prej tyre më shpesh zbatohen këto dy mënyra:
1. Mbjellja e farave në parcelat prodhuese;
2. Prodhimi i fidanëve në leha të ftohta, kurse pastaj mbillen fidanët në vend të përhershëm.
Shumimi me mbjellje të drejtpërdrejtë është më i mirë dhe më ekonomik. Mbjellja kryhet në vjeshtën e vonshme, ose në fund të shkurtit. Pa dallim se a bëhet fjalë për mbjellje në vjeshtë apo në pranverë, parcela duhet të jetë e përgatitur mirë, kurse toka duhet të jetë e frezuar imët.
Gjatë mbjelljes lihet largësi prej 50 cm midis radhëve. Mbillet cekët, 1-2 cm, sepse fara është e imët. Për mbjellje të një hektari toke nevojiten 6-8 kg farë. Gjatë shumimit të mëllagës së bardhë sipas mënyrës së dytë, me ndihmë të leheve, mbjellja kryhet në radhë në largësi prej 15-20 cm. Për mbjellje në lehë prej 1m2 nevojitet 8-10 kg farë.
Nga mëllaga e bardhë përdoren rrënja, gjethja dhe lulja. Rrënja hiqet gjatë vitit të parë ose të dytë të kultivimit, kurse gjethet mblidhen 2-3 herë në vit. Lulja mblidhet gjatë vitit të parë dhe të dytë të kultivimit, kurse pastaj thahet në diell.
Të ardhurat
Të ardhurat e mëllagës së bardhë varen nga masat agroteknike të ndërmarra. Nga një hektar mund të merren 1.200 deri në 2.000 kg rrënjë të thata, 500-600 kg gjethe dhe rreth 150 kg lule të mëllagës së bardhë.