Më 1 Prill 2020, rregullorja e BE-së mbi treguesin e origjinës së përbërësit parësor në ushqim do të hyjë në fuqi. Në thelb, kompanive do t’u kërkohet të vendosin një etiketë që deklaron vendin e prodhimit të përbërësit kryesor të produktit ushqimor që i shitet konsumatorit.
Por për një numër vendesh anëtare, rregullat e reja lënë shumë zbrazëtira. Kjo është arsyeja pse Italia, së bashku me Francën, Spanjën, Portugalinë dhe Greqinë, tani po i kërkojnë Komisionit “një hap përpara” për të përmirësuar transparencën dhe qartësinë e etiketave të reja.
Ndërsa pranuan se rregullorja e BE-së është “një hap përpara”, 5 Shtetet Anëtare kanë përgatitur një dokument, i cili do t’i paraqitet Këshillit të Bujqësisë javën e ardhshme, në të cilin u kërkohet të “evoluojnë” dhe “forcojnë” një kornizë të rregullave të përbashkëta në çështje që është e integruar në debatin për strategjinë ‘Farm to Fork’ (‘nga fusha në tryezë’) e cila duhet të fillojë vetëm pranverën e ardhshme.
“Ne duhet ta bëjmë të qartë origjinën e produkteve – thotë Ministrja e Bujqësisë se Italise Teresa Bellanova – nga vjen lënda e parë, si është kultivuar dhe përpunuar dhe paketuar. Kjo është një pikë themelore sepse duhet të lejojmë që prodhuesit të kenë të ardhura dinjitoze dhe kjo gjithashtu duke u siguruar që ata mund të bëjnë të njohur cilësinë e produkteve të tyre.
Sipas prodhuesve italianë, në fakt, rregullorja lë shumë hapësirë të hapura për mashtrime të mundshme, veçanërisht në lidhje me identifikimin e përbërësit kryesor.