Bujqësia organike nuk mund të paramendohet pa preparatet natyrore (me prejardhje bimore), kështu që ekzistojnë shumë bimë prej të cilave mund të fitohen mjete dhe plehra organike për mbrojtje. Për shembull, Hithra është një bimë e shëndetshme me rendiment të mirë dhe të madh, i cili kontribuon në prodhimtarinë organike me përpunim të saj deri te preparatet organike.
Prej hithrës mund të bëhen plehra dhe mjete për mbrojtjen e bimëve. Me hithër mund të bëhen plehra të ndryshme, sepse është e pasur dhe me azot dhe elementë të tjerë, prej saj fitohet.
Pleh azoti
Për fitimin e plehut të azotit, së pari merret 1 kg hithkë e thatë ose 200 gr Hithra dhe mbulohet me 10 l ujë. Për përgatitjen e plehrave përdoren kova plastike, ku Hithrat mbulohen me ujë dhe përzihen, kurse pastaj lihet të fermentojë 10-15 ditë. Fermentimi është gati kur të ketë përfunduar dukuria e shfaqjes së shkumës. Përziejeni çdo ditë, kohë pas kohe përzierjen, kurse kova mbulohet me një leckë që të mos hyjnë insektet dhe lihet në një vend me hije. Pas fermentimit, përzierja e kovës kullohet dhe përdoret si pleh pasi të jetë holluar me ujë. hollohet në raport 1:10 gjatë ujitjes hollohet në raport 1:50 kur kryhet plehërim i gjetheve.
Përdorimi i rregullt i Hithrave i përforcon bimët, ato do të duken më të shëndetshme dhe do të sulmohen më pak nga insektet dhe sëmundjet.
Plehërim prej hithre dhe brumit (maja)
Plehu mund të bëhet kur hithrës i shtohet pak maja, bukë, sodë, keks dhe të gjitha llojet e brumërave të bëra me maja. Kjo e përshpejton fermentimin dhe ai shkurtohet në 3-5 ditë. Tre e katërta e kovës mbushet hithra dhe pastaj u shtohet uji ku është vendosur pak maja ose bukë. Pas fermentimit, përzierja kullohet dhe hollohet në raport 1:10. Në kombinim me mëllagën mjekësore dhe kufirmë mjekësore (gjuhë demi) fitohet plehu NPK.
Insekticid prej hithre dhe pelini
Hithra mund të përdoret dhe për mbrojtje nga insektet e dëmshme, veçanërisht nga morri i gjetheve. Merret 1 kg hithkë dhe 1 kg pelin, të cilët janë prerë paraprakisht në copëza të vogla. U hidhet 8 L ujë i nxehtë. Kur të ftohet përzierja, mbahen kështu edhe gjysmë ore, pastaj kullohet dhe lihet të ftohet. Mandej kjo mund të përdoret si insekticid, që mund të përdoret në çdo 5-7 ditë.
