Nëse ushqimet janë shumëngjyrëshe, si ato që fëmijëve u pëlqen kaq shumë, do të thotë që ka aditivë, dhe kur themi aditivë menjëherë mendojmë për diçka artificiale, dhe shpesh diçka të dëmshme, por nuk është gjithmonë kështu. Sipas përkufizimit, kjo shtesë është një substancë që nuk është natyralisht e pranishme në një ushqim, por shtohet për të përmirësuar pamjen e tij, ose konservimin, formulimin, shijen e tij. Në disa raste këto janë substanca me origjinë natyrore, në të tjera ato janë elementë të përftuar në laborator. Gjithmonë, megjithatë, aditivët e lejuar me ligj konsiderohen të padëmshëm për shëndetin.
Alberto Mantovani, toksikolog i Istituto Superiore di Sanità, shpjegon se “deri jo shumë kohë më parë një aditiv konsiderohej i ‘sigurt derisa të provohej e kudnërta’. Sot kjo është gjithnjë e më pak e pranueshme pasi në Europë situata po ndryshon, falë disponueshmërisë së mjeteve gjithnjë e më të sofistikuara për të kontrolluar toksicitetin e një përbërësi”.
Mantovani i referohet përpjekjes së madhe të bërë nga Autoriteti Europian i Sigurisë së Ushqimit (EFSA), i cili deri në vitin 2020 do të rivlerësojë të gjitha aditivët në treg nga para vitit 2009 dhe do të aprovojë vetëm ato që, në dritën e një protokolli të saktë të analizës, do të jenë të sigurtë. Kufijtë e koncentratit gjithashtu do të specifikohen, nëse është e nevojshme për të përftuar sigurinë. Në rishikimin aktual, tashmë ka pasur ridimensionime dhe përjashtime. Për shembull, nga 40 aditivët ngjyrosës, përqendrimet maksimale të tre “të kuqve” u ulën dhe një u përjashtua.
Atëherë ekziston një nivel shtesë i sigurisë për të cilin mendohet pak dhe që në vend të kësaj duhet të sigurojë konsumatorët: pastërtinë e substancave të autorizuara. Mantovani sqaron: “Çdo aditiv i përdorur në Europë duhet të jetë i pastër dhe të mos përmbajë ndotës: problemet e rastit mund të rezultojnë në aditivë të përgatitur në vendet jo-europiane dhe të përdorura n ushqime, zinxhiri i furnizimit i të cilëve është shpesh i vështirë për tu rikonstruktuar. Ajo që duhet të theksohet është se në Europë, për fat të mirë, zinxhiri i mbikëqyrjes, kontrollit, vigjilencës dhe tërheqjes është aktiv, funksionon shumë mirë dhe gjithmonë ka bërë të mundur shmangien e situatave serioze “. (scan)