Nisma e te Gjelbërve dhe Socialistëve kundër kostove mjedisore të bagëtive: me planin e plotë të funksionimit të taksave, 100 gram viçi do të kushtonte 47 cent më shumë, ndërsa çmimi do të rritej me 36 cent për mishin e derrit dhe 17 cent për pulën.
Taksimi i mishit për të mbështetur kostot e komunitetit për shkak të ndotjes së fermave . Propozimi vjen nga eurodeputetët e grupit të Gjelbërve dhe Socialistëve dhe Demokratëve (S&D), duke përmbushur shqetësimet e shprehura nga ekspertët në lidhje me emetimet e gazrave serë nga fermat, veçanërisht ato të mëdha, nga të cilat mishi që përfundon në sportelet e supermarketeve. Propozimi do të ishte pjesë e paketës së politikave Farm to Fork të shpallur nga Komisioni Evropian nën Marrëveshjen e Gjelbër, plani për të zvogëluar emetimet e karbonit (Co2) i cili sipas planeve të Brukselit do t’i lejojë BE-se të arrijë “neutralitetin” e klimës deri në vitin 2050.
Propozimi u paraqit nga parlamentarët evropianë Mohamed Chahim dhe Sylwia Spurek të grupit S&D dhe nga Bas Eickhout të Gjelbrit gjatë aktivitetit ” Çemimi i vërtetë i mishit”, i mbajtur dje në Parlamentin Evropian në Bruksel.
Sipas propozimit, 100 gram viçi mund të kushtojë 0.47 € më shumë në të ardhmen, ndërsa çmimi i së njëjtës sasi të derrit do të rritet për 0.36 €. Perfundimisht më modeste do të ishte rritja për mishin e bardhë si pula , e cila do të kushtonte 0.17 € më shumë për hektogram. Shkalla gjithashtu duhet të zbatohet gradualisht duke filluar nga viti i ardhshëm, duke arritur mbulimin e plotë të kostove mjedisore, siç janë emetimet e CO2 dhe humbja e biodiversitetit, deri në vitin 2030 .
Futja e politikave të tilla tatimore mbi mishin tashmë janë duke u diskutuar në Gjermani dhe Hollandë . Shqetësimi, në vendet anëtare, si dhe në Bruksel, është që të merren me çështje që lidhen me mirëqenien e kafshëve dhe ndikimin mjedisor të fermave intensive. Një tjetër objektiv i propozimit është të zvogëlojë konsumin e mishit duke inkurajuar kalimin në dieta të tjera që favorizojnë produktet bimore. Sipas përkrahësve, pasi të ishte zbatuar taksa e mishit, konsumi i viçit, derrit dhe pulës do të ulet – deri në vitin 2030 – respektivisht me 67%, 57% dhe 30%.
Ku shkojnë paratë
Të ardhurat tatimore nga taksa e mishit duhet të shpërndahen tek të njëjtët fermerë dhe konsumatorë që do ta vuanin atë, përmes një sistemi kompensimi që shpërblen prodhuesit që kontribuojnë në vendosjen e ushqimit eko të qëndrueshëm në treg me standarde të larta të mirëqenies së kafshëve, por edhe njerëzve me një të ardhur relativisht të ulët.