Një studim i fundit ka siguruar prova të besueshme që taksa e sheqerit jep rezultate inkurajuese me qëllim parandalimin e përbërësve të dëmshëm në pije joalkoolike.
Prodhuesit e pijeve joalkoolike në Mbretërinë e Bashkuar ulën nivelin e sheqerit pasi qeveria vendosi një taksë sheqeri. Vendimi në Londër u mor në prill 2018 për të trajtuar shendetin e fëmijëve dhe semundjeve të tilla si diabeti dhe sëmundjet e zemrës. Ulja aktuale e sheqerit në pije është ajo që del nga një studim i kryer nga studiues nga universitete të ndryshme në Mbretërinë e Bashkuar. Studiuesit zbuluan se ndryshimet në formulimin e pijeve të shkaktuara nga taksa e sheqerit ishin “shumë më të mëdha” sesa ato të bëra nga nismat e sektorit vullnetar.
Taksat mbi pijet me sheqer janë identifikuar si një masë kryesore nga Organizata Botërore e Shëndetit për të adresuar një sërë rreziqesh shëndetësore. Sidoqoftë, industria ka kritikuar këtë pozicion në të kaluarën për mungesën e provave konkrete se tatimi është një ndërhyrje efektive.
“Taksa është një politikë e rëndësishme pasi ul nivelin e sheqerit të shumë pijeve dhe, në të njëjtën kohë, rrit çmimet e pijeve me sheqer të lartë, duke ndihmuar publikun të bëjë zgjedhje më të shëndetshme”, tha profesori Peter Scarborough të Universitetit të Oksfordit.
Studiuesit zbuluan se shumica e bizneseve ndryshuan formulimin e pijeve para se tatimi të vinte në fuqi. Në 100 ditët e para nga data e zbatimit (6 Prill 2018), ndërmarrje të tjera kanë ndryshuar listën e përbërësve për të shmangur taksën.
Studimi, përfundon Scarborough, siguron “prova të ngurta që taksat mund të përdoren për të përmirësuar shëndetin e ushqimeve dhe se ato kanë një ndikim më të madh në industrinë e ushqimit sesa masat vullnetare”.