Në shumicën e rasteve plehu 5-5-5 do të ofrojë të gjitha materiet ushqyese që bimës i nevojiten për një rritje të shëndetshme. Nëse një provë (test) i tokës zbulon mangësi të materieve të caktuara ushqyese,ose në qoftëse ju doni t’i përshtasni plehun nevojave të bimëve të veqanta atëherë ju mund të zgjidhni një formulim të veqantë. Se çfarë ju zgjidhni varet nga toka juaj dhe nga lloji i bimës që ju jeni duke rritur.
Të tre numrat që ju shihni në një etiketë të plehrave të tillë si 5-5-5 , tregon se çfarë proporcioni të secilës prej materieve mikroushqyese plehu përmban. Numri i parë është gjithmonë AZOTI (N), i dyti është FOSFORI (P), dhe i treti është KALIUMI (K) (potasi). Raporti “A-F-K” reflekton materiet ushqyese në dispozicion-sipas peshës-të përfshira në atë pleh. Përshembull nëse një pako prej 100kg fertilizues ka raportin “A-F-K” 5-7-4 ajo përmban 5kg azot,7kg fosfor dhe 4kg kalium dhe 84kg mbushës. Secili prej këtyre materieve ushqyese ndikon në rritjen e bimës suaj në mënyra të ndryshme.
Formulimi që ju zgjedhni për kopshtin tuaj varet nga nevojat specifike të rritjes që ka bima juaj.
Vini re se raporti i “AFK” (NPK) te plehrave organike është zakonisht më i ulët se ajo e një plehu fertilizues. Kjo është për shkak se me ligj, raporti vetëm mund të shpreh materiet ushqyesve që janë aktualisht në dispozicion.
Zgjedhja e plehut me numër të gabuar ( është fjala për raportin x-x-x) për lulet , kopshtin apo lëndinën, perimet, pemet tuaja mund të rezultojë më shumë në dëm se sa në të mirë të bimës suaj. Është mirë të dini se çfarë do thotë secili numër në mënyrë që të zgjedhni plehun e duhur për bimet apo pemet tuaja.
Në shumicën e rasteve, ju do të donit plehun (fertilizuesin) me numrin më të lartë të parë, pleh që përmban përqindje më të lartë të azotit, të tillë si raporti 24-8-4. Një qese e plehrave që ka vetëm dy numra, të tilla si 20-0-20 është një pleh i paplotë, sepse asaj i mungon një nga tri materiet ushqyese më të mëdha, por është e dobishme në situata të caktuara në rritje.
Në situata të caktuara në rritje, ku ju mund të doni vetëm të plehëroni lëndinën tuaj kështu që ajo do të ketë një rritje të shpejtë bari, ngjyrë jeshile të errët, një pleh që përmban vetëm azot është ajo që ju nevojitet. Një qese vetëm me azotë do të ketë numra të lexuar ngjashëm si 34-0-0.
Për të ndihmuar në rritjen e një luleje më të mirë apo prodhimi të frutava, përdorni plehërave (Fertilizues) me numrin e mesëm më të lartë se sa i pari. Nëse ju doni ta kalitni bimën tuaj ndaj thatësirës, sëmundjeve, apo që të jetë rezistente ndaj dimrit përdorni një pleh që është me numrin e fundit më të lartë.