Policia e shtetit ka krijuar nje aplikacion te ri per te bere te mundur autorizimet per levizjet e mjeteve ne situaten e shtetrrethimit.
Te gjithe ata persona te cilet i duhet te shkojne ne pune (ketu perfshihen edhe fermeret) , duhet te levizin per arsye te ndryshme shendetesore apo edhe per te bere pazarin duhet te bejne vetedeklarimin. Nje hapesire te posacme i eshte lene biznesit i cili duhet te beje aplikimin per levizjet e mjeteve te tij dhe te prese konfirmimin nga ana e drejtorise se policise.
Gjithashtu nga ana e policise behet e ditur se autorizimet e leshuara me pare per qytetaret dhe bizneset jane te vlefshme dhe u duhet te kryejne nje kerkese te re.
Mund te dergoni kerkese per autorizim edhe ne keto email: [email protected], [email protected].
Me poshte keni komunikaten e plote te Policise se Shtetit e cila cqaron qytetaret per te gjithe hapat qe duhet te ndjekin.
POLICIA E SHTETIT
Për t’u ardhur në ndihmë të gjithë qytetarëve në lidhje me zgjidhjen e kërkesave të domosdoshme dhe për nevoja urgjente shëndetësore dhe të biznesit, për qarkullim me mjetet e tyre, sqarojmë se:
Policia e Shtetit, në faqen zyrtare të saj (www.asp.gov.al), ka publikuar një aplikacion të ri me emërtimin “Covid-19″ – Lëvizja e kontrolluar me mjet!”
Të gjitha vetëdeklarimet, kërkesat për autorizime personale apo autorizime biznesi do të kryhen nga faqja zyrtare e Policisë së Shtetit, nëpërmjet këtij aplikacioni.
Për pajisjen me autorizim të ri, qytetarët duhet të plotësojnë njërin nga “deklarimet” e vëna në dispozicion: Vetëdeklarim, Autorizim Personal ose Autorizim Biznesi, duke klikuar në linkun e mëposhtëm: http://autorizime.asp.gov.al.
Gjatë aplikimit është e rëndësishme vendosja e saktë e të dhënave që i kërkohen aplikuesit, motivi i qarkullimit dhe itineraret e kërkuara.
Në përfundim të aplikimit shfaqet një numër aplikimi, i cili i jep mundësinë qytetarëve të ndjekin fazat e konfirmimit të kërkesës së tyre online, duke rritur kështu në maksimum transparencën e komunikimit të Policisë me qytetarët.
Policia e Shtetit ka marrë masa për të përballuar shqyrtimin e të gjitha kërkesave të qytetarëve dhe bën me dije se çdo aplikim që plotëson kriteret sipas kërkesave të formularëve dhe miratohet nga ana e Policisë Rrugore do të jetë e verifikueshme nga patrullat e Policisë gjatë kontrolleve të ndryshme, në të gjithë territorin e vendit.
Sqarojmë se të gjitha autorizimet e lëshuara më parë nga Policia dhe ato të konfirmuara nëpërmjet email-it nga ana e Policisë janë të vlefshme dhe nuk është e nevojshme të aplikohet përsëri.
Policia e Shtetit falënderon qytetarët që respektojnë masat kufizuese për parandalimin e përhapjes së COVID-19 dhe apelon edhe njëherë për të gjithë ata që përpiqen të abuzojnë apo t’i shmangen zbatimit të këtyre masave se në terren, veç punonjësve të Policisë me uniformë, janë dhe qindra agjentë civilë, për të bërë të mundur evidentimin dhe ndëshkimin e shkelësve të masave kufizuese.
