Ngrohja globale po çon në një rritje të përdorimit të antibiotikëve në fermat e peshkut, pasi temperaturat e larta të detit po shkaktojnë sëmundje tek peshqit. Por ky fenomen po çon në zhvillimin e baktereve rezistente ndaj antibiotikeve që ndikojnë gjithashtu shëndetin e njeriut në të gjithë botën.
Akuakultura luan një rol shumë të rëndësishëm në sasine e ushqimit në shumë vende, duke siguruar rreth gjysmën e sasise se peshqve, molusqeve dhe specieve te tjera detare të prodhuara nga njeriu në të gjithë botën , dhe është veçanërisht e rëndësishme për vendet në zhvillim. Fermerët e peshkut përdorin sasi të mëdha antimikrobesh për të trajtuar ose parandaluar sëmundjet në fermat e tyre.
Sidoqoftë, nëse përdoren në mënyrë jo të duhur, antimikrobet janë joefektive dhe inkurajojnë zhvillimin e baktereve rezistente. Një studim i studiuesve Ird dhe Cirad, të botuar në Nature , ekzaminoi të dhënat e mbi 400 artikujve shkencorë që lidhen me mbi 10,000 baktere te akuakultures nga 40 vende, duke ngritur shumë shqetësime.
“Rezultatet tona tregojnë se ngrohja globale promovon zhvillimin e baktereve patogjene, pra zhvillimin e sëmundjeve në fermat e peshkut”, shpjegoi Rodolphe Gozlan, një specialist Ird në marrëdhëniet biodiversitet-shëndetësor, midis autorëve të hulumtimit.
“Ngrohja globale do të rrisë shkallën e vdekshmërisë në fermat e peshkut, që me siguri do të nënkuptojë një rritje të përdorimit të antibiotikëve”, shtoi Miriam Reverter , një tjetër studiues i Ird, duke theksuar se rezistenca antimikrobike është tashmë një realitet në disa vende në mesin e atyre qe janë shumë të ndjeshme ndaj ndryshimit të klimës.
Autorët e studimit ngrenë alarmin për pasojat e përdorimit të papërshtatshëm të antibiotikëve, si për qëndrueshmërinë e akuakultures ashtu edhe për shëndetin e njeriut .
“Bakteret rezistente në akuakulturë mund të transmetojnë gjenet e tyre të rezistencës tek bakteret jo rezistente që infektojnë njerëzit, duke shkaktuar kështu sëmundje që janë të vështira për t’u trajtuar si te kafshët ashtu edhe tek njerëzit”, shpjegoi Samira Sarter, një mikrobiolog i Cirad .