Ka ndodhur në Varshavë, ku veterinerët kanë vendosur të përdorin kanabis terapeutik për 3 elefante afrikanë, veçanërisht nervozë pas vdekjes së femrës alfa të tufës.
Që kur femra e tyre alfa vdiq, elefantët në tufën e vogël kanë filluar të tregojnë shenja të qarta stresi. Dhe kështu, për t’i shëruar ata, Kopshti Zoologjik në Varshavë vendosi të përdorë një metodë natyrale të relaksimit: marihuanën, për të qenë të saktë, kanabis mjekësor.
Veterinerët polakë kanë marrë një shembull nga trajtimet e ngjashme të testuara në të kaluarën e afërt mbi qen dhe kuaj, por “kjo është ndoshta iniciativa e parë e këtij lloji për elefantët”, tha Agnieszka Czujkowska, veterineri i ngarkuar me projektin.
Tre elefantëve afrikanë në kopshtin zoologjik do t’u jepen doza të lëngshme me një përqendrim të lartë të kanabinoidit zbutës CBD, përbërësi aktiv që tani u shitet legalisht njerëzve në pjesë të ndryshme të Evropës. CBD, shpjegojnë veterinerët e kopshtit zoologjik, nuk shkakton as eufori dhe as efekte anësore të dëmshme në mëlçi dhe veshka. “Ësshtë një përpjekje për të gjetur një alternativë të re natyrore ndaj metodave ekzistuese të luftimit të stresit, veçanërisht ilaçeve,” i tha Czujkowska gazetës British Guardian.
Stresi i elefantëve erdhi si pasoje e vdekjes se femrës alfa. Pas zhdukjes së tij, monitoruesit e kopshtit zoologjik gjetën sjellje dhe nivele të hormoneve në përputhje me nivelet e larta të stresit. Prandaj u vendos zgjidhja për të përdorur marihuanë. Drejtuesit e kopshtit zoologjik kanë marrë sigurinë që elefantët nuk do të “tymosin”, por do të marrin vetëm doza të vogla CBD, dy ose tre herë në ditë. “Fryderyka, nje elefante femër tashmë ka pasur një shans ta provojë dhe ajo nuk ka thënë jo,” shpjegoi Czujkowska.