Izraeli po lëkundet nga një lëmsh masiv katrani që la globula të zeza përgjatë pothuajse të gjithë gjatësisë së vijës bregdetare të tij prej 195 km. Raportet e fundit për rërë vajore të gjetur në plazhet e Libanit jugor kanë nxitur shqetësimin për dëmtime më të mëdha.
Ndoshta 1.000 tonë katran ndodhet tashmë në këto plazhe, siç duket janë sjellë nga valët e larta prej një stuhie të madhe që goditi javën e kaluar. Ambientalistët kanë paralajmëruar për një katastrofë, ndërsa banorët e plazhit po gjejnë breshka bebe dhe peshq të mbuluar me llum të zi.
Pasi disa vullnetarë civilë të cilët pastruan plazhin gjatë fundjavës u shtruan në spital, ndoshta prej thithjes së gazrave toksikë, zyrtarët paralajmëruan që vetëm përpjekjet e organizuara me pajisje të duhura mbrojtëse do të duhet të vazhdonin.
Kreu i autoritetit të natyrës dhe parqeve të Izraelit, Shaul Goldstein, e ka quajtur atë “katastrofa më e rëndë mjedisore në një dekadë”. Grupit të punës për pastrimin e zonës iu janë bashkuar edhe ushtarë të shumtë për t’u marrë me pasojat.
Është e mundur që vendi tashmë ka një ide të mirë se kush është përgjegjës, por po vonon ta shpallë atë, ndoshta për shkak të ndjeshmërisë diplomatike ose të korporatës. Një gjykatës izraelit lëshoi një urdhër mbi informacionin që ka të bëjë me hetimin të hënën, duke përfshirë detaje që mund të identifikojnë të dyshuarit.
Dëmi i vërtetë në jetën e egër dhe ekosistemet është ende për tu konstatuar, pasi katrani në det ende mund të infiltrohet. (TheGuardian)