Një raport i Kombeve të Bashkuara zbuloi se në vitin 2019, 931 milion ton ushqim, 17% e totalit të disponueshëm për konsumatorët, përfunduan në koshat e mbeturinave të familjeve, shitësve me pakicë, restoranteve dhe shërbimeve të tjera ushqimore. Kjo është ajo që tregohet nga kërkimet e reja nga Kombet e Bashkuara, Raporti i Indeksit të Mbetjeve të Ushqimit 2021 i Programit të Kombeve të Bashkuara për Mjedisin (Unep) dhe organizatës Wrap, i kryer për të mbështetur përpjekjet globale për të përgjysmuar mbeturinat e ushqimit deri në vitin 2030. Raporti zbuloi se në gati të gjitha vendet që kryen matjet, mbeturinat e ushqimit ishin te larta, pavarësisht nga niveli i të ardhurave kombëtare. Studimi tregon se mbetjet ushqimore kanë ndikime thelbësore mjedisore, sociale dhe ekonomike, ku kujtoi se 8 deri ne 10 % e emetimeve te gazit sere ne te gjithe globin jane te lidhur me shperdorimin e ushqimit.
Raporti hetoi mbeturinat e ushqimit nga pikat e shitjes me pakicë, restorantet dhe shtëpitë, duke numëruar edhe pjesët e pangrënshme si kockat dhe predhat. Aktualisht studimi duket të jetë më i besueshmi, pasi paraqet mbledhjen, analizën dhe modelin më të gjerë të të dhënave të mbetjeve ushqimore deri më tani dhe ofron një metodologji për vendet për të matur mbeturinat e ushqimit. Në total, 152 pika të dhënash mbi mbeturinat e ushqimit u identifikuan në 54 vende. Ky raport vlerëson se rreth 931 milion ton mbeturina ushqimore u gjeneruan në 2019, 61% e të cilave erdhën nga familjet, 26% nga hotelieri dhe 13% nga shitja me pakicë. Te dhenat e raportit tregojne se 17% e prodhimit të përgjithshëm global të ushqimit mund të shkojë dëm (11% në familje, 5% në hotelieri dhe 2% në pakicë). Studimi zbuloi se shkaku kryesor i mbeturinave vjen nga familjet.
“Nëse duam realisht të luftojmë ndryshimet klimatike, humbjen e natyrës dhe biodiversitetit, ndotjen dhe mbetjet e ndryshme, atëherë sipërmarrjet, qeveritë dhe qytetarët në mbarë botën duhet të bëjnë pjesën e tyre për të reduktuar shpërdorimin e ushqimit”, tha kreu i Programit Mjedisor të OKB-së.
Prodhimi i ushqimit ka një ndikim të rëndësishëm mbi mjedisin. Rreth 10 për qind e emetimeve globale të karbonit kanë lidhje me ushqimin që hidhet poshtë. Probleme të tjera me prodhimin e ushqimit vijnë si pasojë e tokës së nevojshme për të mbjellat, mirëmbajtja e blegtorisë, përdorimi i ujit dhe ndotja.
Siguria ushqimorë është një tjetër problem në rritje, me 690 milionë që u raportua se vuanin nga uria në vitin 2019, shifër që sipas OKB pritet të rritet për shkak të pandemisë.