Japonezët e quajnë këtë rrush “Ruby Roman” sepse është po aq i bukur sa një rubin dhe ju ndiheni si një perandor romak kur e keni të servirur.
Rrushi i kuq ka përmasa të ngjashme me topat e ping-pongut, shkruan Lux life .
Çdo kokerr individuale mund të peshojë deri në 20 gram.
Përveç që është aq lëng, ky rrush gjithashtu ka një përmbajtje të lartë sheqeri dhe aciditet të ulët.
Diçka si një karamele sheqeri me shije pak të thartë, por në vend që të jetë e fortë, është e butë dhe me lëng.
Kush e blen këtë rrush?
Me sa duket, disa individë të pasur nga Hiakurakusi e kanë blerë këtë rrush me një çmim rekord të lartë në vitin 2019.
Ata kanë paguar 10 mijë dollarë për rreth një kilogram, që do të thotë se një rrush kushton rreth 470 dollarë.
Për këtë shumë mund të blini një unazë ari tetëmbëdhjetë karatësh me diamante dhe një rubin ose mund t’i kërkoni që t’ju ushqejnë me këtë rrush ndërsa luani rolin e perandorit.
Nga vjen ky rrush i çmuar?
Ai vjen nga prefektura japoneze Ishikawa, dhe u prezantua në vitin 2008 si një frut i shtreses së lartë.
Kompanitë e japin atë si një dhuratë promovuese, kështu që është në kërkesë të lartë.
Përveç kësaj, kultivuesit shesin vetëm një sasi të caktuar në të njëjtën kohë, në mënyrë që të ruajnë ekskluzivitetin, kërkesën dhe çmimin.