Organizatat joqeveritare bullgare OJQ kanë nisur një bojkot kundër zinxhirëve të shitjes me pakicë dhe dyqaneve ushqimore, në përgjigje të rritjes së shpejtë të fundit të çmimeve të ushqimeve bazë tha koordinatori i nismës Velizar Ençev.
Protesta vjen pas bojkoteve të konsumatorëve në të gjithë Ballkanin, duke përfshirë Kroacinë, Serbinë, Malin e Zi, Maqedoninë e Veriut dhe Bosnje-Hercegovinë. Organizatorët po i bëjnë thirrje gjithashtu qeverisë bullgare të vendosë kufij çmimesh për 70 produkte ushqimore bazë – një masë e zbatuar tashmë në Kroaci, tha Velizar Enchev, ish-ambasadori bullgar në Kroaci.
“Kjo tronditje çmimi është një katastrofë si për 800,000 pensionistët, që jetojnë nën kufirin e varfërisë, ashtu edhe për të varfërit që punojnë në Bullgari, të cilët nuk janë në gjendje të mbulojnë shpenzimet bazë të ushqimit dhe të jetesës,” tha Ençev.
“Aq më e egër është se çmimet e gjalpit, qumështit, djathit, mishit dhe salçiçeve në zinxhirët e dyqaneve të shitjes me pakicë në pronësi të huaj janë më të larta në degët bullgare sesa në vendet e tyre, ku standardi i jetesës është i pakrahasueshëm me tonin.”
Plotikania Maya Manolova po mbështet gjithashtu nismën, duke thënë se ndërsa supermarketet mund të mos ndjejnë ndikimin e bojkotit, ai mbetet një formë presioni civil për të nxitur çmime më të drejta në zinxhirët ushqimorë në Bullgari. /Monitor
Reklame:
