Kalbja e frutave të luleshtrydhes është sëmundja më e rëndësishme tek dredhëza ose luleshtrydhe, e shkaktuar nga kërpudhat Botrytis cinerea. Është e përhapur në të gjitha zonat ku luleshtrydhet rriten dhe është një nga sëmundjet më të rëndësishme qe ndikon ekonomikisht tek profiti i fermerit. Drejtpërdrejt ndikon në rendimentin dhe cilësinë e frutave.
Simptomat e sëmundjes krijohen nga miceli i kërpudhave në formën e konidioforeve e cila krijon një shtresë, me ngjyrë gri-kafe në frutat e luleshtrydheve.
Me infeksione më të forta dhe kushte të favorshme të motit, siç janë shirat e shpeshtë tani, dhe nëse mbrojtja mungon, frutat mund të shkatërrohen plotësisht.
Në lagështi të lartë dhe temperaturë më të ulët, veshja miceliale mbulon tërë frutin e luleshtrydhes, i cili bëhet i papërdorshëm.
Simptomat, megjithëse janë më të rralla, mund të shfaqen edhe në gjethe në formën e nekrozës. Më shpesh, sëmundja prek lulet që thahen dhe duken sikur janë djegur. Së pari, në fazat fillestare të infeksionit, pikat shfaqen njolla kafe dhe me lagështi të formës së papërcaktuar.Frutat e infektuar kalben plotësisht në rast të motit të lagësht, dhe thahen në rast të motit të thatë.
Temperatura optimale për zhvillimin e kërpudhave është në pragun e 15-20 0C, dhe lagështia optimale është mbi 90% e lagështisë relative. Kërpudhat dimërojnë në mbetjet e bimëve, aktivizohen në fillim të pranverës, dhe lulet e reja dhe të sapo hapura janë të ndjeshme ndaj infeksioneve të para.
Kërpudhat bazuar në pyrimethanil, piraklostrobinë dhe boscalid, përdoren për kontroll kimik. Gjatë mbrojtjes, periudha e pritjes pra Karenca duhet të merret parasysh nga fermeret per te mos e nxjerre produktin ne treg per konsum perpara perfundimit te karences.
Gjithashtu fermeret duhet te jene te kujdesshem qe te perdorin vetem preparate per mbrojtjen e bimeve te cilat jane te miratuar nga Ministria e Bujqësisë dhe Zhvillimit Rural ne Shqiperi.