Fermerët të pa informuar për përdorimin e pesticideve përbëjnë një problem të rëndësishëm për bujqësinë, shëndetin e popullsisë dhe mjedisin në Shqipëri dhe shumë vende të tjera. Përdorimi i gabuar i pesticideve mund të sjellë pasoja të rënda për shëndetin e fermerëve, konsumatorëve, si dhe për ekosistemin.
Kjo është veçanërisht shqetësuese kur fermerët nuk janë të informuar mjaftueshëm për rreziqet dhe praktikat e sigurta të përdorimit të këtyre substancave.
Mungesa e Trajnimeve dhe Edukimit shum fermerë në Shqipëri nuk kanë akses në trajnime dhe informacione për përdorimin e sigurt të pesticideve.
Ata shpesh përdorin këto substanca pa ndjekur udhëzime të sakta, duke e rritur rrezikun për mbetje të dëmshme në produktet bujqësore.
Trajnimi i kufizuar i fermerëve në përdorimin e pesticideve mund të sjellë përdorim të gabuar të sasive të këtyre substancave, përdorim në periudha të gabuara të vitit, ose aplikim pa mbrojtje adekuate.
Përdorimi i Pesticideve të Forta dhe të Dëmshme
Në shumë raste, fermerët përdorin pesticide të forta dhe kimikate të rrezikshme për të luftuar dëmtuesit e kulturave, ndonjëherë pa pasur njohuri për alternativat më të sigurta dhe të qëndrueshme, si pesticidet natyralë ose metodat biologjike të kontrollit të dëmtuesve.
Pesticidet me bazë kimike mund të kenë mbetje toksike të dëmshme për shëndetin e njerëzve, kafshëve dhe mjedisit, sidomos kur përdoren në mënyrë të pakontrolluar.
Mungesa e Qasjes në Burime të Informacionit të Besueshëm
Fermerët shpesh nuk kanë qasje në burime të besueshme informacioni për rreziqet e pesticideve dhe mënyrat e sigurt të përdorimit. Informacionet mund të jenë të paqarta ose të pasakta, veçanërisht në zonat rurale, ku teknologjia dhe komunikimi janë më të kufizuara.
Mungesa e shërbimeve të mirëfillta këshillimore dhe mbështetjes nga autoritetet publike i lë fermerët të ekspozuar ndaj praktikave te gabuara.
Mungesa e Kontrollit dhe Monitorimit
Përdorimi i pesticideve shpesh nuk monitorohet mjaftueshëm nga autoritetet shtetërore. Kjo ka bërë që shumë fermerë të përdorin pesticide në mënyrë të pa arsyeshme, duke ndikuar në cilësinë e produktit bujqësor dhe duke shkaktuar mbetje të dëmshme në ushqim.
Autoritetet janë të kufizuara në ndjekjen dhe kontrollin e përdorimit të pesticideve, dhe shumë fermerë nuk janë të ndërgjegjshëm për kufizimet ligjore që mund të ekzistojnë lidhur me përdorimin e këtyre
Çfarë mund të bëhet për të përmirësuar situatën?
Trajnimi dhe Edukimi i Fermerëve
Te ofrohen kurse trajnimi dhe fushata edukative për përdorimin e sigurt të pesticideve dhe alternativat më të sigurta për luftimin e dëmtuesve.
Instutucionet shtetërore mund të krijojnë trajnime për fermerët, duke përfshirë informacione mbi metodat e qëndrueshme dhe përdorimin e mjeteve të mbrojtjes. Përdorimi i trajnimeve praktike dhe kurseve të mbështetura nga teknologjia mund të ndihmojë që fermerët të jenë më të informuar për pasojat e përdorimit të gabuar të pesticideve.
Rritja e mbështetjes për fermerët përmes shërbimeve konsulence.
Rritja e kapaciteteve të inspektoratit shtetëror për të monitoruar përdorimin e pesticideve dhe për të siguruar që ato përdoren në përputhje me rregullat dhe standartet europiane./Ardit Bali
Reklame:
