Për ata që nuk e dinë, bullguri është një ushqim natyral me krunde gruri.
Nuk ka shumë yndyrna dhe është i pasur me minerale si manganezi, magnezi dhe hekuri, plus është një burim shumë i mirë proteine.
Mbi të gjitha, është i pasur me fibra që ndihmojnë aparatin tretës për detoksifikimin e toksinave nga trupi; ndihmon për shëndetin e zemrës duke qenë se sasia e lartë e fibrave ul inflamacionin dhe korrigjon nivelet e larta të kolesterolit; rreth 25% e nevojave ditore për fibër i mbulon bullguri.
Gjithashtu, bullguri njihet për dobësim, falë fibrave që na bëjnë të ndihemi më të ngopur si dhe për balancimin e sheqerit në gjak, që promovon uri të qëndrueshme dhe një peshë të shëndetshme. Pra, është shumë i mirë për njerëzit që vuajnë nga diabeti apo edhe për ata që duan të dobësohen.
Krahasuar me tipet e tjera të miellit të grurit që përdoren në produkte të paketuara, bullguri nuk është i përpunuar dhe si produkt final i mbeten shumë nga vlerat ushqyese brenda një kokrre të plotë. Zakonisht, bullguri shitet i “parazier” që do të thotë se është hequr vetëm një pjesë e vogël e kokrrës së grurit, por konsiderohet gjithësesi krunde e plotë.
Duke e krahasuar me orizin kaf, bullguri ka më pak kalori, më pak yndyrna dhe dyfishin e fibrave. Me orizin e bardhë nuk krahasohet fare, ndërsa me tërshërën apo miellin e misrit do të thoja se bullguri ka më shumë fibra.
Mund t’a gjesh kudo në supermarkete, kushton pak lek, por është një eliksir i shëndetit. Unë i kam thënë JO orizit, dhe PO bullgurit.
Ja si mund t’a përdorësh bullgurin në regjimin tënd (receta e mamit):
BULLGUR ME PERIME DHE RRUSH TE THATE
Përbërësit:
- 1/3 filxhan bajame të copëzuara
- 1 lugë gjelle vaj ulliri
- 3 filxhan me perime (qepë e kuqe, karrota, kunguj të freskët dhe lulelakër, patëllxhan)
- 1 1/2 lugë gjelle shafran indie (cumin)
- 1 1/2 lugë gjelle koriandër
- 1 filxhan verë e bardhë
- 1/3 filxhan rrush i thatë
- 3/4 filxhan konservant perimesh
- 1 lugë të vogël kanellë
Përgatitja:
- Vendos bajamet në një tigan mesatar. Përzieji derisa bajamet të piqen, rreth 4 minuta. Zbrasi në një tas. Hidh vaj tek i njëjti tigan. Rrite nxehtësinë nga mesatare në të lartë. Shto perimet, shafranin dhe koriandër; përzieji derisa perimet të zbuten, rreth 3 minuta. Shtoji verën dhe rrushin e thatë. Zieje derisa vera të mbetet në gjysmë, për rreth 3 minuta. Shtoji konservatin e perimeve dhe lëre të mbuluar me kapak për 6 minuta. Shtoji kripë dhe piper.
- Ndërkohë përgatit bullgurin; thjesht zieje për pak minuta, njësoj si me orizin.
- Hidhe në pjatë dhe shërbeje me perimet e gatuara.
- Receta është për 2 persona