Reshjet e ditëve të fundit kanë krijuar një situatë alarmante në gjithë zonat e prekura nga prurjet e lumenjve si dhe dalja nga shtrati i disa prej tyre, mjaft banesa, bagëtitë dhe shumë sipërfaqe toke me të mbjella janë nën pushtetin e ujit. Ardit Bali, Këshilltar Bashkiak dhe specialist i Bujqësisë ka bërë një publikim ku bën fajtor strukturat e institucionet e cdo niveli!Permbytjet e ditëve të fundit kanë shkatërruar sera, toka bujqësore dhe prodhimin e fermerëve në shumë zona të vendit. Ndërsa fushat mbeten nën ujë, institucionet vazhdojnë të sillen sikur asgjë nuk ka ndodhur.
Është e papranueshme që fermerët të përballen vetëm me dëmet, ndërkohë që strukturat përgjegjëse flenë në zyrë dhe kufizohen me deklarata, jo me veprime. 
Daljen në terren të të gjitha institucioneve përgjegjëse Evidentimin real dhe transparent të dëmeve Mbështetje financiare të menjëhershme, jo procedura që zgjasin me muaj Masa parandaluese, që kjo situatë të mos përsëritet çdo vitSot nuk mjaftojnë premtimet.
Fermerët nuk kanë luksin të presin.
Heshtja dhe vonesa janë bashkëfajësi.
Institucionet duhet të zgjojnë përgjegjësinë – jo vetëm kur uji ulet, por kur njerëzit kanë nevojë për ta.
Ardit Bali/Agronom
