Bitaj, fshat me 100 shtëpi, pjesë e Njësisë Administrative Kolonjë ishte ndalesa e radhës për Horizont EU në partneritet me Praktika.al këtë të shtunë dt 29 nëndor. Dita e tretë e trajnimit për aftësimin dixhital të të rinjve dhe grave nga shtresat në nevojë për të aksesuar në mënyrë më të lehtë tregun e sotëm të punës. Shërbimet online si E-albania apo puna.gov.al si dhe ato më me interes për grate e fshatit Bitaj ishin pjesë e trajnimit të sotëm për të dy fushat e programit.
2 seancat e sotme për banoret e fshatit Bitaj ishte pjesë e vijimësisë së bashkëpunimit të hershëm mes Kishës 
Ungjillore dhe Horizont EU në aktivitetet e shumta me fokus përmiresimin e jetës dhe shërbimeve të banorëve të qytetit të Lushnjës dhe rrethinat. Trajnimi për grate dhe grupet e marxhinalizuara në Bitaj të Kolonjës Lushnjë kishte në fokus aftësitë e buta, aftësitë dixhitale dhe punësimin.
24 persona nga të cilat 20 gra dhe 4 burra të moshës 30 – 65 vjec morën pjesë aktive dhe u aftësuan pjeserisht për marrjen e disa shërbimeve online si E-albania apo puna.gov.al. Të pranishmit morën njohuri bazë mbi përdorimin e E-albania dhe marrjen e disa prej dokumentave që ju nevojitet në perditshmërinë e tyre.
Projekti synon të fuqizojë aftësitë dixhitale të grupeve të marxhinalizuara në zonat më pak të zhvilluara të Lushnjës, për t’i afruar më shumë me tregun e punës dhe mundësitë e vetëpunësimit. Përmes një pakete të integruar kursesh dixhitale dhe orientimi profesional, projekti do të ndërtojë ura konkrete midis përfituesve dhe sektorit të punës, duke i ndihmuar të përfitojnë nga format e reja të punësimit, si puna online, aplikimi në platformat publike: www.e-albania.al dhe www.puna.gov.al si dhe aplikimi në sektorin privat.
Ky projekt po realizohet me mbështetjen financiare të Agjencisë për Mbështetjen e Shoqërisë Civile-AMSHC.
#agjenciapermbeshtetjeneshoqerisecivile
#horizonteu
