Ministri i Bujqësisë i Parisit ka njoftuar ndalimin e praktikës që çdo vit çon në vrasjen e 7 miliardë ekzemplarëve të gjallë në të gjithë botën, sepse ato janë të padobishme për prodhimin e vezëve. Ndalohet edhe kastrimi (Tredhja) pa anestezi për derrat.
Çdo vit, në të gjithë botën, rreth 7 miliardë zogj meshkuj të gjallë, elektrizohen ose asfiksohen në qese plastike, sepse ata janë të padobishme për prodhimin e vezëve. Një praktikë mizore që Franca ka vendosur të ndalojë nga viti 2021.
Njoftimi u bë nga Ministri i Bujqësisë së Alpeve, Didier Guillaume , i cili gjithashtu parashikoi vendimin për ndalimin e kastrimit të derrave pa anestezi. Projekt-ligji do të prezantojë gjurmueshmërinë e mirëqenies së kafshëve (duke parashikuar një iniciativë të ngjashme të diskutuar në Bruksel nga ministrat e BE ditëve të fundit), garancinë e transportit të sigurt dhe informacionit transparent për konsumatorët mbi praktikat e prodhimit të mishit per konsum njerezor.
Për zogjt meshkuj, “qëllimi është që të nxiten kompanitë që të përfundojnë praktikën vitin e ardhshëm. Duhet gjetur një teknikë që funksionon në një shkallë të gjerë. Kërkimi gjithashtu duhet të luajë rolin e tij në përpjekjen për të përcaktuar seksin që nga veza “, tha Guillaume. Ekzekutivi francez i kërkoi Qendrës Kombëtare të Referencës për Mirëqenien e Kafshëve të monitoroje të gjitha praktikat e dhimbshme që janë ende në fuqi në france dhe të identifikojë alternativat. Për të inkurajuar zbatimin e planit të ardhshëm, Ministri i Bujqësisë raportoi se “financimi publik do të drejtohet kryesisht drejt aktiviteteve që respektojnë sjelljen natyrale të kafshëve të fermave”.
Kështu, Franca do të bëhet një nga vendet kryesore të mbarështimit në botë për të ndaluar këtë praktikë të diskutueshme, e cila është ndaluar në Zvicër që nga shtatori i kaluar edhe pse jo shumë i përhapur në vendin zviceran. Në Gjermani, një gjykatë administrative në vend të kësaj ka autorizuar therjen e zogjve mashkuj, derisa të gjendet një metodë për të përcaktuar seksin e embrionit nga veza.
Për Ministrin Guillaume, fondet evropiane për mbarështuesit do të kushtëzohen me respektimin e standardeve të mirëqenies së kafshëve. Një direktivë e BE e vitit 2009 autorizon copëtimin për sa kohë që shkakton vdekjen “e menjëhershme” të pulave më të vjetër se 72 orë. Në Francë, partia për të drejtat e kafshëve mori 2% të votave në zgjedhjet e fundit evropiane dhe do të paraqesë rreth dhjetë lista në zgjedhjet komunale në mars.