Tani që Brexit do të implementohet dhe Britania nuk do të duhet të zbatojë më rregullat evropiane, Londra duket se është e gatshme të importojë edhe pulat e dezinfektuara me acid laktik, ose me klor , nga Shtetet e Bashkuara për të qetësuar urinë e pangopshme të këtij ushqimi në vend , duke ulur edhe çmimet.
George Eustice , Sekretari i Shtetit për Mjedisin, tha se për çështjen “ka vend për diskutim domethënës” në negociatat për një marrëveshje të ardhshme të tregtisë së lirë midis dy vendeve. Keto praktika në Evropë është ndaluar për vite me rradhë sepse konsiderohet një mashtrim për të lejuar që fermat intensive të kursejnë duke rritur kafshët në kushte jo të shëndetshme dhe më pas dezinfektimin e mishit të tyre pasi të theren. Daily Mirror ka publikuar një reportazh pikërisht në fermat amerikane duke treguar një pamje vërtet të tmerrshme . Mijëra pula mbahen në dhoma ku nuk ka ajër, me shumë pak hapësirë dhe me trupa të mbuluar me plagë .
Kafshët janë modifikuar gjenetikisht me kalimin e kohës për t’i bërë ato të fitojnë peshë brenda disa javësh duke zvogëluar kështu kohën e nevojshme të shumimit. Journal Poultry Science ka bere nje llogaritje se nëse njerëzit rriteshin në të njëjtën normë si këto pulat moderne, ata do të peshonin 136 kg në tetë javë.
Prodhimi ekonomik
Pasi theren, trupat e tyre zhyten në ujë që përmban dioksid klori ose acide të tjera për të vrarë organizmat e dëmshëm si E. coli ose salmonelë. Presidenti i kompanisë amerikane Fieldale Farms, Tom Hensley, duke folur me gazetën britanike tha se procesi është i sigurt, “përndryshe, 350 milion amerikanë do të sëmureshin çdo javë”. Të sigurt dhe më të lirë sesa mbajtja e mishit të pulave me standard më të mirë jetese për kafshët. Hulumtimi nga Instituti Adam Smith ka llogaritur që konsumatorët e Sh.B.A paguajnë 21% më pak për një kile pule sesa konsumatorët në Mbretërinë e Bashkuar . Dhe që nga Britania prodhon rreth 60% të mishit te pulës së konsumuar ne vend dhe gjithashtu importon 900,000 ton në vit, SH.B.A. është shumë e interesuar të rihapë këtë ure tregtie dhe Donald Trump po i bën presion kryeministrit britanik Boris Johnson . Ky i fundit gjithmonë ka pohuar se çështja është më shumë për mirëqenien e kafshëve sesa sigurinë për qytetarët dhe se për këtë arsye ai dëshiron të udhëhiqet nga shkenca mbi këtë temë.
http://www.agrifoodtoday.it/attualita/con-la-brexit-il-regno-unito-pronto-ad-aprire-al-pollo-usa-lavato-con-gli-acidi.html