Nëse jeni vegan ose vegjetarian ose nuk i përmbaheni ndonjë plani të veçantë ushqimor apo aktiviteti fizik, ju mund të pasuroni dietën tuaj me ushqime të cilat bëjnë metabolizmin tuaj të punojë më shpejt.
E dimë se “ushqimi me yndyrë” është shumë i shijshëm dhe i mirë për disa prej jush. Edhe pse ekspertët kanë mendime kontradiktore nëse një lloj i caktuar ushqimi mund të djegë dhjamin pa bërë aktivitet fizik, të gjithë pajtohen që ju mund të shihni rezultate të mira duke përfshirë më shumë ushqime që nxisin metabolizmin, rrisin tretjen dhe ju ndihmon të ndiheni të ngopur. Këto ushqime i keni më poshtë.
Salmoni
Tingëllon kontradiktore, por peshqit me yndyrë të shëndetshëm mund t’ju ndihmojnë të hiqni yndyrën e padëshiruar.
“Salmon i egër është një zgjedhje veçanërisht e mirë e proteinave, sepse përmban acide yndyrore Omega-3, të cilat luftojnë inflamacionin”, thotë Kate Martino, një asistent mjekësor me një fokus në mjekësinë ushqimore. Yndyrat gjithashtu ndihmojnë që të ndiheni të ngopur më gjatë, ndërsa ngrënia e proteinave të mjaftueshme çdo ditë ndihmon në formimin e masës së muskujve, e cila rrit metabolizmin tuaj dhe djeg më shumë yndyrë në kohën që jeni duke pushuar.
Avokado
Në mënyrë të ngjashme, yndyra “e mirë” në avokado mund t’ju ndihmojë gjithashtu të digjni yndyrë të keqe “Ata janë plot me yndyra dhe fibra të shëndetshme, kështu që ata do t’ju mbajnë të ngopur dhe do të parandalojnë dëshirat për të ngrënë më shumë.
Vezët
“Vezët ofrojnë përzierjen e përsosur të proteinave dhe yndyrnave, duke siguruar ngopje afatgjatë, duke reduktuar dëshirat dhe pikat e sheqerit në gjak,” thotë nutricionistja Jessica Cox. “Vezët janë një nga burimet më të mira të proteinave që djegin yndyrnat që do të nxisin metabolizmin tuaj. Dietat me proteina të larta janë vërtetuar që nxisin metabolizmin tuaj të funksjonojë më shpejt.
Portokalli dhe qitro
Portokallet janë të njohur për vitaminën C e cila rrit imunitetin. “Frutat e agrumeve janë çelësi për të promovuar humbjen e yndyrës dhe për të rritur shëndetin e përgjithshëm”, thotë Rosen. “Të larta në fibra të tretshme, portokallet ndihmojnë në mbajtjen e baktereve të zorrëve të shëndetshme, zvogëlon oreksin tuaj dhe ndihmon në eliminimin e yndyrës.
Ushqimet pikante
Piperi është i lartë në kapsaicin, i cili është provuar të djegë dhjamin e barkut dhe të rrisë aftësinë e trupit për të kthyer ushqimin në energji. “Konsumi i përditshëm i kapsaicinës përshpejton humbjen e yndyrës së barkut.