Lista e re e bizneseve qe do te ushtrojne aktivitet duke filluar nga dita e hene ka sjelle masa dhe protokolle te detyrueshme qe këto biznese duhet të marrin, me qëllim frenimin e përhapjes së COVID-19.
Punëdhënësi është përgjegjës për sigurimin e vazhdueshëm të elementeve të higjienës ku përfshihen: sapun i duarve, dezinfektantët me bazë alkooli që kanë të paktën 60% alkool,etj. Po ashtu, punëdhënësi është përgjegjës për sigurimin e vazhdueshëm të mjeteve të mbrojtjes personale si maska dhe doreza.
Nga ana tjetër duhet të vendosë postera që inkurajojnë higjienën e duarve, si dhe për ruajtjen e distancimit social mes punonjësve, por edhe klientëve, dezinfektimin e vazhdueshëm të ambienteve të punës, etj.. Paralelisht, Inspektorati Shtetëror Shëndetësor, është i detyruar të kryejë inspektimin sistematik për vlerësimin e zbatimit të masave përkundrejt penaliteteve në fuqi.
