Sipas parashikimeve te Sherbimit Meteorologjik Ushtarak dita e shtunë do të ketë mot me alternime kthjellimesh dhe vranësira deri të dendura. Reshje shiu të herëpasherëshme me intensitet deri mesatar. Lokalisht reshjet do të jenë në formën e shtrëngatave shoqëruar me shkarkesa elektrike
Era do të jetë nga kuadrati i jugut me shpejtësi mesatare 2-8m/s, përgjatë vijës bregdetare hera-herës fiton shpejtësi deri në 15m/s.
Po sipas SHMU Dita e dielë do të ketë mot të kthjellët e vranësira në zhvillim në orët e mesditës. Vranësirat hera–herës do të shoqërohen me reshje të dobta shiu të karakterit lokal.
Era nga veriperëndimi me shpejtësit mesatare 2-6m/s, e cila përgjatë vijës bregdetare fiton shpejtësi deri në 10m/s.
